Han Sann

ဟန်ဆန်း | စာပေနှင့် အနုပညာ

Menu
  • Home | အဖွင့်
  • Literature | စာပေ
  • Film | ရုပ်ရှင်
  • Art | အနုပညာ
  • Book | စာအုပ်
  • Tech | နည်းပညာ
  • Media | မီဒီယာ
  • Me | ကျွန်ုပ်
Menu

ဂါစီယာ မားကွက်စ်၊ သူ၏လုံးချင်း၀တ္ထုနှင့်ရုပ်သံဇာတ်လမ်းတွဲ

Posted on June 12, 2019 by Han Sann
ဂါစီယာ မားကွက်စ် (Photo by Jose_Lara)

စာရေးဆရာ ဂါစီယာ မားကွက်စ်၏ ထင်ရှားကျော်ကြားလှသည့် One Hundred Years of Solitude လုံးချင်း၀တ္ထုကြီးကို နက်ခ်ဖလစ်(Netflix)ရုပ်သံဇာတ်လမ်းအဖြစ် ရိုက်ကူးထုတ်လွှင့်သွားမည်ဟု စီအန်အန်(CNN)သတင်းဌာနက ၂၀၁၉ ခုနှစ် မတ်လ ၆ ရက်နေ့မှာ ဖော်ပြခဲ့ပါသည်။ မားကွက်စ်၏ ၀တ္ထု ကိုရုပ်သံဇာတ်လမ်းအဖြစ် မှီငြမ်းရိုက်ကူးနိုင်ရန် သူ၏ မိသားစုက ခွင့်ပြုခဲ့ပြီး နှစ်ပေါင်း ၅၀ ကျော်အတွင်း မှာ ပထမဆုံးအကြိမ်အဖြစ် ရုပ်ရှင်ရိုက်ကူးခွင့်ရခဲ့ခြင်းဖြစ်သည်ဟု နက်ခ်ဖလစ်က ပြောခဲ့ပါသည်။ နက်ခ်ဖလစ်သည် အမေရိကန်အခြေစိုက်လုပ်ငန်းတစ်ခုဖြစ်ပြီး ဗီအိုဒီ(VOD, Video On Demand)စနစ်ဖြင့် ရုပ်သံများကို ထုတ်လွှင့်နေပါသည်။

One Hundred Years of Solitude လုံးချင်း၀တ္ထုကို စပိန်နိုင်ငံ၌ ၁၉၆၇ ခုနှစ်တွင် ပုံနှိပ်ထုတ်ဝေခဲ့ပါ သည်။ ထိုစာအုပ်သည် မားကွက်စ်၏ နေရပ်ဖြစ်သည့် ကိုလံဘီယာမြောက်ပိုင်းကို အခြေခံရေးဖွဲ့ထားသော ထိုးဇာတ်(fiction)ဖြစ်ပါသည်။ မြန်မာစာရေးဆရာ သင့်လူက ဝေးလွင့်ကင်းကွာ နှစ်တစ်ရာ အမည် ဖြင့်ဘာသာပြန်ဆိုခဲ့ပြီး ၂၀၁၂ခုနှစ် အောက်တိုဘာတွင် ထုတ်ဝေခဲ့သည်။

ဂါစီယာ မားကွက်စ်ကို ၁၉၂၇ ခုနှစ်၊ မတ် ၆ ရက်တွင် မွေးဖွားခဲ့ပြီး ၂၀၁၄ ခုနှစ်၊ ဧပြီ ၁၇ ရက်တွင် မက္ကစီကိုမြို့ရှိ သူနေထိုင်ရာအိမ်၌ ကွယ်လွန်ခဲ့သည်။ ကွယ်လွန်ချိန်တွင် အသက် ၈၇ ခုနှစ်အရွယ် ရှိပြီဖြစ်သည်။ မားကွက်စ်သည် ကိုလံဘီယာနိုင်ငံ၏ အမြတ်တနိုးလေးစားခံရသူတစ်ဦးဖြစ်ပါသည်။ သူကွယ်လွန်သောအခါ နိုင်ငံ၏ဝမ်းနည်းခြင်းအထိမ်းအမှတ်နေ့အဖြစ် ၃ ရက်တာ သတ်မှတ်ခဲ့ပြီး ကိုလံဘီယာအလံကို ထိုနေ့များတွင် တိုင်တစ်ဝက်လွှင့်ထူထားရန် ကိုလံဘီယာသမ္မတက ညွှန်ကြားခဲ့ပါ သည်။

ဟန်ဆန်း

ကိုးကား – https://edition.cnn.com/2019/03/06/entertainment/100-years-of-solitude-netflix-trnd/index.html

Category: Uncategorized
  • မြန်မာ၀တ္ထုတို ရာပြည့်နှစ်
  • မြန်မာဝတ္ထုတို မျိုးဆက်သစ်
  • ဟန်ဆန်းအကြောင်း

Recent Posts

  • အိုဘယ့်… အို…တေးမြုံငှက်
  • သုံးဆယ့်တစ်ဘုံသား ကဗျာဖတ်သူ (သောက်ခဲ့သော) ဘလက်ကော်ဖီ
  • စံ(Standard)တစ်ခုပဲ ရှိပါတယ်
  • ၀ဿန်ချိန်ခါ
  • သည်းခံနိုင်၏ သည်းမခံနိုင်၏
© 2025 Han Sann | Powered by Minimalist Blog WordPress Theme