ဂျိုရှုဝါ ဖဲရစ်စ်ဆိုသူမှာ

ဂျိုရှုဝါ ဖဲရစ်စ်ဆိုသူမှာ အမေရိကန်စာရေးဆရာတစ်ဦးဖြစ်သည်။ ၂၀၁၄ ခုနှစ် Man Booker ဆု၏ ဆန်ကာတင်စာရင်းတွင် ပါဝင်ခဲ့သည်။ ၂၀၁၄ ခုနှစ်အတွက်ပေးအပ်သည့် Dylan Thomas ဆုကို ရရှိခဲ့သည်။ Dylan Thomas သည် ထင်ရှားသောကဗျာ ဆရာ၊ စာရေးဆရာတစ်ဦးဖြစ်ပြီး သူ၏အမည်ဖြင့် Dylan Thomas ရသစာပေဆုကို ချီးမြှင့်ခြင်းဖြစ်သည်။ ထိုဆုသည် လူငယ်စာရေးဆရာများအတွက် နှစ်စဉ်ချီးမြှင့်သောဆု ဖြစ်သည်။ Dylan Thomas သည် အသက် ၃၉ နှစ်အရွယ်တွင် ကွယ်လွန်ခဲ့ပြီး စာပေလှုပ်ရှားမှုများကို ဦးဆောင်လှုပ်ရှားခဲ့သူဖြစ်သည်။

ဂျိုရှုဝါ ဖဲရစ်စ်ကို အမေရိကန်နိုင်ငံတွင် ၁၉၇၄ ခုနှစ်၌ မွေးဖွားခဲ့သည်။ အသက် ၄၀ အရွယ် လူလတ်ပိုင်းစာရေးဆရာတစ်ဦး ဖြစ်သည်။ Then We Came to the End. စာအုပ်ကို ၂၀ဝ၇ ခုနှစ်တွင် ရေးသားထုတ်ဝေခဲ့သည်။ ထိုစာအုပ်ဖြင့် သူ့ကို လူသိများ ခဲ့သည်။ ထိုစာအုပ်သည် အမေရိကန်လုပ်ငန်းခွင်အတွင်းမှ ရယ်ရွှင်ဖွယ်အဖြစ်အပျက်များကို ရေးသားထားသော ဟာသဝတ္ထု စာအုပ် ဖြစ်သည်။ ချီကာကိုကြော်ငြာလုပ်ငန်းတစ်ခုမှ ဖြစ်ရပ်မှန်အကြောင်းအရာများကိုအခြေခံပြီးရေးထားသော စာအုပ် လည်းဖြစ်သည်။ ထိုစာအုပ်ကို ဘာသာစကား ၂၅ မျိုးသို့ ဘာသာပြန်ဆိုထုတ်ဝေခဲ့ပြီး PEN/Hemingway ဆုကိုလည်း ရရှိခဲ့ သည်။

ဂျိရှုဝါ ဖဲရစ်စ်သည် အိုင်အိုဝါတက္ကသိုလ်မှ အင်္ဂလိပ်ဘာသာ အထူးပြုဖြင့် ဘွဲ့ရခဲ့သည်။ ၁၉၉၆ ခုနှစ်တွင် ဒဿနိကဗေဒကို သင်ယူခဲ့သည်။ ထို့နောက် ချီကာကိုသို့ ပြောင်းရွေ့နေထိုင်ပြီး ကြော်ငြာလုပ်ငန်းတစ်ခုတွင် ၇ နှစ်တိုင်အောင် အလုပ်လုပ်ခဲ့ သည်။
Mrs. Blue ဟုအမည်ရသောဝတ္ထုသည် Iowa Review တွင် ဖော်ပြခံခဲ့ရသည်။ ထိုဝတ္ထုသည် သူ၏ ပထမဦးဆုံးစာပေလက်ရာ ဖြစ်သည်။ The Unnamed သည် သူ၏ ဒုတိယလုံးချင်းဝတ္ထုဖြစ်ပြီး ၂၀၁၀ ခုနှစ် ဇန်နဝါရီတွင် ထုတ်ဝေခဲ့သည်။ ၂၀၁၄ ခုနှစ် တွင် တတိယလုံးချင်းဝတ္ထု To Rise Again at a Decent Hour ကို ထုတ်ဝေခဲ့သည်။ ထိုစာအုပ်ဖြင့် Man Booker ဆုတွင် ဆန်ကာ တင်စာရင်းဝင်ခဲ့ပြီးDylan Thomas ဆုကို ရရှိခဲ့သည်။ ဂျိုရှုဝါ ဖဲရစ်စ်သည် လုံးချင်းဝတ္ထု၊ ဝတ္ထုတို၊ အက်ဆေးများကို ရေးသား နေသူဖြစ်သည်။

ဟန်ဇော်

၂၀၁၄ ခုနှစ်ထုတ် အလင်းတန်းဂျာနယ်တွင် ဖော်ပြပါရှိခဲ့သည်။